ዲዛይን ማድረጊያ መሳርያ
ዲዛይን ማድረጊያ መሳርያ
ይህ መገልገያ በውስጡ በከተማ ልማት እና መሰረተ ልማት ሚኒስቴር መሪነት ከኢትዮጵያ መንገዶች ባለስልጣን እና የትራንስፖርት ሚኒስቴር ጋር በመተባበር በUN-Habitat፣ UN Road Safety Fund፣ እና Institute for Transportation and Development Policy ከፍተኛ ድጋፍ የተዘጋጁ የብሄራዊ የከተማ ጎዳና ዲዛይን መመርያ ቁልፍ ይዘቶችን ያካተተ ነው።
መመሪያውናውና በውስጡ የተካተቱት የኦንላይን መሳሪያዎች (ቱሎች) መንገዶችን ዲዛይን በማድረጉ ረገድ ለሁሉም ተጠቃሚዎች እንዲያገለግሉ ማለትም እግረኞችን፣ የብስክሌት ተጠቃሚዎችን ፣ የህዝብ ትራንስፖርት ተጓዦችን፣ ሞተረኞችን እንዲሁም የዕቃ ማጓጓዣዎችን ጨምሮ ለሁሉም ምቹ የሆነ ዲዛይን እንዲጎለብት ለመርዳት ታስቦ የተዘጋጀ ነው።
ደህንነቱ የተጠበቀ ዲዛይን
የእግር መጓጓዣ መንገድን፣ የእግረኛ ማቋረጫ መንገዶችን እንዲሁም ሌሎች መሰረተ ልማቶችን ያቀፈ የተሟላ የጎዳና ዲዛይን የተሽከርካሪዎችን ፍጥነት ከመቆጣጠር ረገድ እንዲሁም ደህንነቱ የተጠበቀ የእግረኛና የብስክሌት መንገድ ከመፍጠር አንጻር ከፍተኛ ሚና አለው።
የተሟላ ዲዛይን በውስጡ ከግልተሽከርካሪዎች ይልቅ ለሰዎች እንቅስቃሴ ቅድሚያን የሚሰጥ እና በከተማዋ ውስጥ ያሉ ነዋሪዎች መጓዝ ወደሚፈልጉበት ቦታ ደህንነታቸው ተጠብቆ፣ በምቾት እና ሳይስተጓጎሉ መሄድ የሚችሉ መሆናቸውን የሚያረጋግጥ መሆን ይኖርበታል፡፡
ለሁሉም ተደራሽ መሆን
ለሁሉም ተደራሽ መሆን የሚለው ጽንሰ ሀሳብ የትራንስፖርት አገልግሎት እና የአካባቢ ዲዛይን አንድ መርህ ሲሆን በተቻለ መጠን ያለ እድሜ ወይም አቅም ልዩነት ሁሉም ሰው መጠቀም የሚችልበትን እድል መፍጠርን የሚያመለክት ነው፡፡ ለሁሉም ተደራሽነትን ማዕከል አድርገው ዲዛይን የሚደረጉ ጎዳናዎች ለአካል ጉዳተኞች አጋዥ የሆኑ መሳሪያዎችን ተግባራዊ የሚያደርጉ እና የሚያቀርቡ ናቸው፡፡ ለሁሉም ተደራሽ የሆነ ከባቢያዊ ሁኔታ ከሁሉም ጫፎች ጋር ግንኙነቱ የተመሰረተ ከረብሻ የጸዳ ከባቢያዊ ሁኔታ ያለው እና ወጥ የሆነ ወለል፣ ተገቢ በሆነ መንገድ የተቀመጠ መወጣጫ እና ደህንነቱ የተጠበቀ የእግረኞች ማቋረጫ መንገድ ያለው ነው፡፡
ጾታን ያገናዘበ ዲዛይን
እስከ ቅርብ ጊዜ ድረስ የትራንስፖርት እቅዶች ለአንድ ወገንብቻ የሚመችን አኳኋን ለሌሎች በሙሉ እንዲመች ታሳቢ በማድረግ ሲጠቀሙ ቆይተዋል፡፡ ይህም ወንዶች እና ሴቶች ከትራንስፖርት አገልግሎት እኩል በሆነ መልኩ መጠቀም እንዲችሉ ታሳቢ በማድረግ የሚሰራበት አቀራረብ ነው፡፡ ነገር ግን እንደ እውነታው ወንዶች እና ሴቶች ከትራንስፖርት አገልግሎት ጋር በተያያዘ የተለያየ አተያይ ያላቸው እና ለደህንነትም ጭምር የተለያየ እሳቤ ያላቸው ናቸው፡፡ ሁሉን አካታች የሆነ የዲዛይን ሂደት ሴቶች እና ታዳጊ ልጆች በተሻለ መንገድ መጠቀም እንዲችሉ የሚረዳ እና ለመራመድ፣ ሳይክሎችን ለማሽከርከር ወይም የህዝብ ትራንሰፖርቶችን በቀላሉ መንገድ መጠቀም እንዲችሉ የሚረዳ ነው፡፡
የጎዳና መረብ እቅድ ማውጣት
ውጤታማ የሆነ የጎዳና መረብአውታረ መረብ ለበርካታ ተጠቃሚዎች የትስስር አውታርን የሚፈጥር ነው፡፡ የጎዳና መረብ አውታረ መረብ ለእግረኞች እና ለብስክሌት ተጠቃሚዎች የተሻለ ትስስርን ከመፍጠራቸው ባሻገር ለህዝብ ትራንስፖርት የተሳለጠ አገልግሎትና ፍጥነቱ የተወሰነ የትራፊክ እንቅስቃሴ እንዲኖር በማድረግ የሚያግዝ ነው፡፡
ለተሟላ የአውታረ መረብአውታረ መረብ አገልግሎት መጀመሪያ የሚሆኑት የህዝብ ትራንስፖርቶች ሲሆኑ እነዚህም እንደ ፈጣን አውቶብስ ትራንስፖርት ወይም የቀላል ባቡር ትራንስፖርት ኮሪደሮች ወይም የህዝብ የታክሲ መስመሮች ናቸው፡፡ የተሟሉ ጎዳናዎች እና የእግረኞች መጓዣ መንገድ ለህዝብ ትራንስፖርቶች ማቆሚያ የተሻለ ምቾትን የሚሰጡ ናቸው፡፡ የአረንጓዴያማ ጎዳና አውታረ መረብ አውታረ መረብ የእግርእና የብስክሌት ጉዞዎችን በመደገፍ ከፍተኛ ጥራት ያለው የመዝናኛ ቦታዎችን ያቀርባል፡፡ የብስክሌት መንገዶች ለብስክሌት ተጠቃሚዎች ምቹ የሆነ ጉዞን እና በከፍተኛ ፍጥነት ማሽከርከር እድልን የሚሰጥ ነው፡፡ የአሽከርካሪዎች አውታረመረብ አውታረ መረብለ መኪና አሽከርካሪዎች መዳረሻን የሚሰጥ ሲሆን በአንፃራዊ በአቅራቢያ ላይ ያለን እንቅስቃሴ ግን የሚያመለክት አይደለም፡፡
የጎዳና ይዘቶች
የጎዳና የዲዛይን ይዘቶች ዘርዘር ያለ እቅድን የሚሹ እና ለአካባቢው ልዩ ፍላጎት ምቹ በሆነ መልኩ መዘጋጀት ይኖርባቸዋል፡፡ ሁሉም የጎዳና ይዘቶች እርስ በርስ ስለሚገናኙ ለተለያዩ ይዘቶች ተገቢውን ልኬትና መምረጥ አስፈላጊ ነው።
አጋሮች
